Dostyq pen senim, yntymaq pen birlik, qoǵamdyq kelisim - bizdiń birligimizdiń negizi - Qazaqstan halqy Assambleıasynyń quttyqtaýy
Qurmetti otandastar!
Ár jyl saıyn mamyrajaı mamyrdyń birinshi kúni biz aıryqsha yqylaspen - Qazaqstan halqynyń birligi merekesin atap ótemiz.
Bıylǵy jylǵy 1 mamyr ózindik erekshelikke ıe. Biz qoǵamdyq kelisim men ulttyq birligimizdi bekemdeı túsken Qazaqstan halqy Assambleıasynyń mereıtoılyq HH sessııasyn ótkizdik.
1 mamyr - bul árqashan halqymyzdyń birligin pash etetin, qoǵamdyq kelisim kemeline jetip, eldiń birligi jarasyp, yntymaǵy uıysatyn kún.
Qazaqstan halqynyń birligi merekesi - Otanymyzǵa degen súıispenshiliktiń, qazaqstandyq patrıotızmniń jarqyn kórinisi. Bul kúni Otanǵa adaldyq, elge janashyrlyq, azamattyq paryz asqaqtaı túsedi.
Búginde dostyq, senim, yntymaq, birlik uǵymdary etnosyna, dinı senimine qaramastan barlyq azamattar úshin aınymas berik ustanymdarǵa aınaldy. Qoǵamdyq kelisim men mádenı jáne tildik ár alýandyq bizdiń ósip-órkendeýimizdiń negizine, basty baılyǵymyzǵa, ortaq ıgiligimizge aınaldy.
Assambleıanyń HH sessııasyndaǵy sózinde el Prezıdenti, Elbasy N.Á.Nazarbaev - «Qazaqstandyq jol jańa táýelsiz elder úshin ulttyq jetistiktiń jemisti úlgisine aınaldy. Bul qazaqstandyqtardyń eńbegi men tutastyǵynyń nátıjesi» dep kórsetti. Sondyqtan da bizdiń birligimiz ben kelisimimiz Qazaqstan halqynyń baǵa jetpes qazynasy retinde urpaqtan urpaqqa beriletin bolady.
Tek qana tatýlyq pen tutastyq arqyly ǵana biz Qazaqstandy kez kelgen ǵalamat josparlardy iske asyratyn qýatty memleket ete alamyz. Tek qana birligi jarasqan halyq qana uly belesterdi baǵyndyra alady!
Qadirli dostar!
Qazaqstan halqynyń birligi merekesine oraı shynaıy quttyqtaýymyzdy qabyl alyńyzdar! Sizderge zor densaýlyq, yrys, yntymaq, otbasylaryńyzǵa baqyt, bereke, qýanysh pen shattyq tileımiz!
Qazaqstan halqynyń birligi jarasyp, Otanymyzda árqashan beıbitshilik pen kelisim, dostyq pen senim ornasyn. Eldigimiz eńseli, memlekettigimiz máńgi bolsyn!
Qazaqstan halqy Assambleıasy
Astana, 2013 jyl
