«Dostyq kerýeni» kontserti Birlik merekesiniń sánin keltirmek
ASTANA. 28 sáýir. QazAqparat - Qazaqstan 150 ult pen ulys mekendegen - kópultty memleket. Osy halyqtar arasyndaǵy sútteı uıyp otyrǵan tatýlyq pen dostyqty odan ári kórkeıtý maqsatynda Qazaqstan halqy Birligi kúni merekesine oraı elordada «Dostyq kerýeni» merekelik kontserti uıymdastyrylady, dep habarlady elordanyń resmı saıtynan.
«Dostyq kerýeni» 1 mamyr kúni saǵat 11.00-de Mahambet Ótemisov atyndaǵy Mektep oqýshylary saraıynyń alańynda ótedi. Kórermender aldynda Mektep oqýshylary saraıynyń ujymy jańa baǵdarlamasyn usynsa, «Shattyq - 2013» qalalyq baıqaýynyń júldegerleri №53 jáne №56 mektep lıtseılerdiń horeografııalyq ujymdary ózderiniń biregeı qoıylymdarymen qala turǵyndarynyń kóńil kúılerin kóteredi. «Dala ólkesi kazaktarynyń chastýshkileri, ýkraın, kavkaz halyqtarynyń bıleri men ánderi, Astana qalasy ulttyq mádenı ortalyqtary jeksenbilik mektepteri tárbıelenýshileriniń ónerleri sahna dýmanyn jandandyra túsedi», - deıdi uıymdastyrýshylar.
Astana turǵyndary men qala qonaqtary, Mahambet Ótemisov atyndaǵy mektep oqýshylary saraıynyń ardagerleri osy bir dástúrli merekede dostyq pen birliktiń nyshany ispetti qurmetti kórermender bolady.
