«Dostyq» kedeniniń birneshe qyzmetkeriniń ústinen paraqorlyqqa qatysty qylmystyq is qozǵaldy
«Ózderińizge belgili, kúni keshe «Nur Otan» partııasynyń sezinde Memleket basshysy keden bastyqtarynyń jumysy boıynsha tártip buzýshylyqty tilge tıek etken bolatyn. Keshe Sybaılas jemqorlyqqa qarsy is-qımyl ulttyq bıýrosynyń Almaty oblysy boıynsha departamentimen arnaıy jedel-izdestirý sharalaryn júrgizý barysynda Oblystyq memlekettik kirister departamentiniń «Dostyq» kedeniniń «Alakól» keden beketi basshysynyń orynbasary, ekonomıkalyq tergeý qyzmetiniń ishki qaýipsizdik bóliminiń asa mańyzdy isteri jónindegi tergeýshisi (biliktiligi 4-sanat) jáne atalǵan keden beketiniń úsh bas mamanyna qatysty paraqorlyq faktisi anyqtaldy», - deıdi dedi Agenttikte ótken baspasóz máslıhatynda Arman Berdalın.
Onyń aıtýynsha, ustalǵandar jalpy qamqorlyǵy jáne tranzıttik deklaratsııany rásimdeýdi jedeldetý úshin syrtqy ekonomıkalyq qyzmet qatysýshylarynan júıeli negizde para aldy degen kúdikke ilingen. Tergeý jalǵasýda.
Eske sala ketsek, keshe «Nur Otan» partııasynyń sezinde Memleket basshysy kedendik ákimshilikti qatań baqylaýǵa alýdy tapsyrǵan bolatyn.