Dostyq - Qazaqstan halqynyń basty da, ústemdi baılyǵy - Ázerbaıjan mádenı ortalyǵynyń tóraǵasy V.Agaev

Bul pikirin búgin Astanada «Qazaq eli» monýmentiniń aldyndaǵy alańda 1 mamyr merekesi qurmetine oraı ótken saltanatty sharada jýrnalısterge bergen suhbatynda Ázirbaıjan mádenı ortalyǵynyń tóraǵasy Vıdadı Agaev bildirdi.

V.Agaev sala mamandary men ult ókilderiniń qatysýymen bıyl Astanada, jalpy Qazaqstanda alǵash ótken sherýge qatysty óz oıyn bildire kele, onyń jastyq shaǵy - Keńester odaǵynda Qazaqstanda osy syndy sherýler ótip turǵanyn aıtty. Biraq búgingi sherýdiń ereksheligi, ol táýelsiz Qazaqstan ótti.

«Táýelsiz jáne naǵyz demokratııaly Qazaqstanda 130-dan astam ul ókili ómir súrip jatqany qýantady jáne olar uıyǵan aırandaı tatý da tátti ǵumyr keshýde. Dostyq - Qazaqstan halqynyń basty da, ústemdi baılyǵy. Sondyqtan búgingi tamasha merekelik kúni barsha qazaqstandyqtardy meırammen quttyqtaımyn. Árbir qazaqstandyq otbasyna jylýlyq pen bereke, barlyq isterine sáttilik tileımin», - dedi ol.

V.Agaevtyń aıtýynsha, Qazaqstan jerine alǵash ázirbaıjandar 1920-shy jyly aıaq basty, 30-shy jyly kósh qaıta bastalyp, ol 48-shi jylǵa deıin jalǵasty. «Olardy óz úılerinen alshaqtatyp, qazaq jerine kúshtep qonys aýdartty. Búginde qazaq jerinde 250 myńǵa jýyq ázirbaıjandyq turady. Uly qazaq halqy olarmen bir nandy úzip jedi, qonaqjaılyqtarynyń arqasynda olar ózderin úıdegideı sezindi, mádenıetin, salt-dástúri men tilin saqtap qaldy. Qazaq halqyn uly deıtin sebebim, ol ýaqytta qazaqtar da kedeıdiń kúıin keship otyrdy. Ázirbaıjandar sııaqty olardyń da bar baılyǵy tartyp alyndy. Men ázirbaıjan, sheshen ulttarynyń kóptegen aqsaqaldarymen sóılesemin, olardyń qazaq halqy týraly oń pikiri bir arnada toǵysady. Al meni Qazaqstanǵa eshkim jer aýdartqan joq, 1980-shi jyly eńbek etý úshin ózim keldim. Sol ýaqyttan beri Qazaqstanmen birge jasasyp kelemin. Men Bakýdi Qazaqstandy bilgendeı bilmeımin. Qazir men ózimdi - qazaqstandyqpyn dep úlken maqtanyshpen aıtamyn», - dep túıindedi sózin Mádenı ortalyqtyń basshysy.