Dostyq – Moıynty ýchaskesiniń ekinshi jolynda poıyz qozǵalysy iske qosyldy
ASTANA.KAZINFORM - 30 qyrkúıekte Dostyq – Moıynty ýchaskesindegi ekinshi temirjol joldarymen poıyz qozǵalysy iske qosyldy.
Búginde poıyzdar qalypty rejımde júrip jatyr. 6 qazan kúngi jaǵdaı boıynsha 206 júk poıyzy ótkizildi. Onyń ishinde jańa ekinshi joldarmen 101 júk poıyzy ótti (ár jolmen táýligine orta eseppen 20 poıyzdan).
Sonymen qatar temirjoldy kezeń-kezeńimen synaqtan ótkizý – tehnologııalyq úderistiń mindetti bóligi jáne tasymaldanǵan júk kólemine baılanysty júzege asyrylady.
Poıyz qozǵalysy osy jyly kelesi ýchaskeler boıynsha kezeń-kezeńimen iske qosyldy:
Moıynty – Balqash-1 — 29 qańtardan bastap,
Beskól – 19-razezd — 13 naýryzdan bastap,
Aqtoǵaı – Shyǵys – Beskól — 19 maýsymnan bastap,
Balqash-2 – Saıaq — 4 shildeden bastap,
Saıaq – Aqtoǵaı — 30 qyrkúıekten bastap.
Ekinshi joldardy paıdalanýmen qozǵalys bastalǵan sátten bastap 12,6 mln tonna júk tasymaldandy. Bul 2022 jylǵy deńgeımen salystyrǵanda júk aınalymyn 42%-ǵa arttyrýǵa múmkindik berdi (ıaǵnı ekinshi joldardy salý bastalǵanǵa deıingi kórsetkishpen salystyrǵanda).
– Qazir joldy turaqtandyrý jumystary normatıvtik tehnologııaǵa sáıkes júrgizilip jatyr. Bul turaqtandyrý 100 myń tonna júk ótkizilgennen keıin tolyq aıaqtalýy tıis. Osy operatsııalar aıaqtalǵanǵa deıin poıyz qozǵalysy qaýipsizdikti qamtamasyz etetin belgilengen jyldamdyqpen júzege asyrylady, - delingen habarlamada.
Nysanda jobalyq qujattama talaptary men bekitilgen kestege sáıkes árleý jumystary júrgizilip jatyr. Sonymen qatar ýchaskelerdegi jaǵdaıdy obektıvti baǵalaý úshin «Qazaqstan temir joly» UK» AQ barlyq múddeli BAQ ókilderin Moıynty – Dostyq ýchaskesi boıynsha baspasóz týryna qatysýǵa shaqyrdy.
Aıta keteıik, «Astana - Oral» baǵytyndaǵy poıyzǵa jańa vagondar qosyldy.