Dostastyq kýbogynyń oıyndary «Mır» arnasy arqyly taratylady -QFF
ASTANA. 19 qańtar. QazAqparat - Qazaqstandyq jankúıerler «Dostastyq kýbogi - 2012» halyqaralyq týrnırin «Mır» telearnasynan tamashalaı alady.
Aıta keteıik, bul arna «Alma tv», «Elıtkom» sekildi Qazaqstannyń kabeldik operatorlarynda retranslıatsııalanady, dep habarlaıdy Qazaqstan fýtbol federatsııasy.
19 qańtarda Astana ýaqytymen keshki saǵat 19:00-de «Mır» telearnasy Reseı men Qazaqstan arasyndaǵy matchty kórsetedi.
Jalpy ár oıyn kúninen bir matchtan jáne shırek fınal kezdesýlerin, jartylaı fınaldyq teketirester men aqtyq matchty kórsetý josparlanýda.
Aıta keteıik, Sergeı Hıjnıchenko «Dostastyq kýbogynda» oınaıdy.
Ulttyq quramamyzdyń 20 jasar shabýylshysy Sergeı Hıjnıchenko «Dostastyq kýbogy - 2012» týrnırinde Qazaqstan jastar quramasynyń sapyn kúsheıtetin bolady.
«El birinshiliginiń úzdik surmergenderiniń biri, 2011 jyldyń qorytyndysy boıynsha Premer-lıganyń sımvolıkalyq quramynan oryn alǵan Hıjnıchenko bul týrnırde jastar quramasynyń eń tájirıbeli oıynshysy bolmaq. Sankt-Peterborda shabýylshymyz komandamyzdy tek alǵa súırep, naǵyz kóshbasshy bola biledi dep senemiz»,-delingen federatsııasynyń málimetinde.
Atap aıtqanda, Qazaqstan jastar quramasynyń «Dostastyq kýbogy - 2012» týrnırine qatysý úshin Reseıdiń Sankt-Peterbor qalasyna attandy.
Osyǵan oraı, jastar quramasynyń aǵa bapkeri Slobadan Krchmarevıch týrnırge qatysatyn fýtbolshylardyń tizimin jarııalady.
«Dostastyq kýbogy - 2012» týrnırine qatysatyn Qazaqstan jastar quramasy:
Qaqpashylar: Samat Otarbaev (Ordabasy), Denıs Ovsıannıkov (Astana), Sergeı Tkachýk (Shahter).
Qorǵaýshylar: Nurjaryq Qunov (Qaırat), Renat Baıanov, Dmıtrıı Shomko, Eldos Ahmetov (bári de - Ertis), Evgenıı Gorıachıı (Shahter), Mıhaıl Gabyshev (Vostok), Damır Dáýitov (Astana), Dmıtrıı Mıroshnıchenko (Aqtóbe), Abzal Beısebekov (klýbsyz).
Jartylaı qorǵaýshylar: Islambek Qýat (Astana), Evgenıı Azamatov (Shahter), Baýyrjan Islamhan (Taraz), Evgenıı Levın (Ordabasy), Ashat Taǵybergen (Qaısar), Abylaıhan Eskendirov (BIIK).
Shabýylshylar: Denıs Prokopenko (Astana), Baýyrjan Jolshıev (Tobyl), Sergeı Lısenkov (Aqtóbe), Alekseı Şetkın (Jetisý), Sergeı Hıjnıchenko (Shahter).
