«Dostastyq» Kýbogynda Qazaqstan namysyn qorǵaıtyn fýtbolshylar anyqtaldy
ASTANA. QazAqparat - Qazaqstannyń fýtboldan jastar quramasynyń aǵa bapkeri Saýlıýs Shırmıalıs Reseıdiń Sankt-Peterbýrg qalasynda ótetin XXIII «Dostastyq» Kýbogyna Qazaqstan namysyn qorǵaıtyn fýtbolshylardyń tizimin jasady.
Búgingi tańda qurama Túrkııada oqý-jattyǵý jıyndaryn ótkizýde. Doda 16 qańtarda bastalady.
Quramaǵa shaqyrylǵan fýtbolshylardyń tizimi mynadaı:
Qaqpashylar - Stanıslav Pavlov («Aqtóbe»), Andreı Neýpokoev («Aqjaıyq»), Vladımır Groshev («Qaırat»);
Qorǵaýshylar - Grıgorıı Sartakov («Ertis»), Temirlan Ádilhanov («Jetisý»), Rafqat Aslan («Tobyl»), Tımýr Rýdoselskıı («Qaırat»), Berik Shaıyqov («Astana»), Dmıtrıı Rybalko («Oqjetpes»), Islam Shadýkaev («Báıterek»), Pavel Halezov («Astana»);
Jartylaı qorǵaýshylar - Magamed Ýzdenov («Aqjaıyq»), Erkebulan Tuńǵyshbaev («Ordabasy»), Raýl Djalılov («Tobyl»), Anton Kýksın («Oqjetpes»), Alekseı Rodıonov («Atyraý»), Rınat Haırýllın («Astana»), Ivan Antıpov («Aqjaıyq»), Mıras Túlıev («Kaspıı»);
Shabýylshylar - Abat Aıymbetov («Aqtóbe»), Raýan Sárıev («Ordabasy»), Álisher Súleı («Ertis»), Maksım Fedın («Báıterek»).
Jalpy, týrnırge 12 qurama qatysady dep kútilýde. Jerebege sáıkes, komandalar úsh topqa irikteldi:
«A» toby: Belarýs, Túrkimenstan, Estonııa, Fınlıandııa;
«V» toby: Moldova, Qyrǵyz Respýblıkasy, Reseı, Latvııa;
«S» toby: OAR, Lıtva, Tájikstan, Qazaqstan.
Alǵashqy matchty Qazaqstan 17 qańtarda Tájikstanǵa qarsy ótkizedi.
