Dostastyq kýbogynda baq synaıtyn qazaqstandyq aıaqdopshylardyń esimi belgily boldy
ALMATY. 10 qańtar. QazAqparat /Erlik Erjanuly/ - Keshe Qostanaıdyń "Tobyl" fýtbol klýby 15-23 qańtarda Sankt-Peterborda ótetin Dostastyq kýbogyna qatysatyn aıaqdopshylardyń tizimin jarııalady.
Olar - qaqpashylardan: Aleksandr Petýhov pen ıAroslav Bagınskıı, qorǵaýshylardan: Alekseı Danaev, Rınat Hasenov, Oleg Lotov, Evgenıı Ovshınov jáne reseılik Anatolıı Stýkalov, makedonııalyq Vlade Lazarevskı. Jartylaı qorǵaýshylardan: Sergeı Kostıýk, Anatolıı Bogdanov, Tımýr Dosmaǵambetov, Ermek Qýantaev, Alekseı Malyshev, Dáýren Jatekov, Igor ıÝrın jáne serbııalyq Nenad Slıvıch pen latvııalyq ıÝrıs Laızans. Shabýylshylardan: latvııalyq Krıstaps Grebıs, lıtvalyq Mantas Savenas enip otyr. Qostanaılyq klýb dırektory Nıkolaı Panınniń sózine qaraǵanda, aldaǵy ýaqytta bul tizimge taǵy 6 oıynshy qosylý múmkin. Óıtkeni bul dúbirli dodaǵa komanda 25 oıynshy qosa alady.
5 qańtardan beri Túrkııada ekinshi oqý-jattyǵý jıynyn ótkizip jatqan Qazaqstan chempıony keshe serbııalyq legıoner Nenad Slıvıchpen kelisimshart jasady. 1985 jyly 8 maýsymda Krýshevats qalasynda ómirge kelgen bul oıynshy aldymen jergilikti "Napredak" komandasynyń jastar quramynda, keıin onyń eresekter quramynda baq synady. Qazaqstanǵa "ıAgodın" komandasynan aýysyp keldi, al buǵan deıin Reseıdiń "Rostov" komandasynda da óner kórsetken bolatyn. Mundaı mártebege 7 qańtarda qazaqstandyq oıynshylardan Sergeı Kostıýk, Anatolıı Bogdanov jáne Alekseı Danaev qol jetkizgen edi.
