«Dostastyq kýbogy» halyqaralyq týrnırinde qazaqstandyq fýtbolshylar óz tobynda 2-orynda kele jatyr
ALMATY. 21 qańtar. QazAqparat /Erlik Erjanuly/ - Sankt-Peterbor qalasynda jastar quramalary arasynda ótip jatqan «Dostastyq kýbogy» halyqaralyq týrnırinde keshe Qazaqstan men Túrikmenstan fýtbolshylary arasyndaǵy oıyn 3:1 esebimen aıaqtaldy.
Esepti birinshi taımnyń 22-mınýtynda Baıramdýrdy Dýrdyev jattyqtyratyn túrikmen aıaqdopshylary ashqan bolatyn. Ekinshi taımda oǵan 66, 73 jáne 90-mınýttarda shabýylshy Sergeı Lısenkov pen Alekseı Şetkın 3 doppen jaýap berdi. Onda aldymen 66-mınýtta «Aqtóbe» komandasynyń oıynshysy S. Lısenkov esepti teńestirgen edi. Odan keıin 73 jáne 90-mınýttarda «Jetisý» komandasynyń sur mergeni A. Şetkın qarsylastar qaqpasyn jaýapsyz 2 dop soqty. Qorytyndy esep 3:1. Qazaqstan quramasy endi «A» tobyndaǵy irikteý synynyń aqtyq oıynyn erteń «Estonııa» fýtbolshylarymen ótkizedi. Olar alǵashqy oıynda Túrikmenstanǵa 0:1 esebimen ese jibergen bolatyn. Jalpy 19-qańtarda jalaýyn kóterilgen bul baıraqty básekeniń shırek fınaldyq oıyny 25-qańtarda, al jartylaı jáne aqtyq syndary 27, 29 qańtar kúnderi bolady.
