Dostastyq chempıondarynyń kýbogy qazandyq «Rýbınge» buıyrdy
MÁSKEÝ. Qańtardyń 25-i. QazAqparat /Narymbek Ysmaǵulov/ - TMD jáne Baltyq elderiniń XVIII Chempıondar kýbogy qazandyq «Rýbınge» (qosalqy quram) buıyrdy.
Qazaqstandyq «Aqtóbe» komandasynyń keshe, qańtardyń 24-inde Máskeýde ótken kezdesýi reseılikterdiń jeńisimen, 5:2 esebimen aıaqtaldy.
Qazaqstandyqtardyń ishinde T.Essomba men E.Kenjısarıev kózge tústi, olar oıynnyń 21-shi jáne 49-shy mınýttarynda qarsylastardyń qaqpalaryn dáldedi. Jaǵdaıdy qıyndatqan oqıǵa oıynnyń 59-shy mınýtynda oryn aldy: reseılik arbıtr «Aqtóbeniń» qaqpasyna penaltı belgiledi jáne Ulyqbek Asanbaevty alańnan alastatty.
