Dostarymen shomylýǵa barǵan: ShQO-da jasóspirim bala sýǵa ketti
SEMEI. QazAqparat – Semeı qalasynda 14 jastaǵy jasóspirim sýǵa batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qaıǵyly oqıǵa 30 maýsymda saǵat 16:00 shamasynda bolǵan. 2007 jylǵy bala Ertis ózenine batyp ketti.
«Belgili bolǵandaı, jasóspirim dostarymen birge tyıym salynǵan jerde shomylyp júrgen. Tereńge súńgip ketken ol qaıta júzip shyǵa almady. Sol mańdaǵy kýágerler birden oǵan kómekke umtyldy. Biraq jasóspirimdi jaǵaǵa alyp shyqqanda ol es-tússiz jatqan», - dep habarlady vedomstvo ókilderi.
Oqıǵa ornyna kelip jetken jedel járdem qyzmetkerleri jasóspirimdi aman alyp qalýǵa tyrysty. Biraq odan esh nátıje bolmaǵan.
Esterińizge sala ketsek, osyǵan deıin Shyǵys Qazaqstan oblysy Altaı aýdanynda 27 jastaǵy áıel 8 jasar balasymen birge sýǵa batyp ketkenin habarlaǵan bolatynbyz.
