«Dossor-Aqtaý porty» jolynyń 45 shaqyrymy jańartyldy
NUR-SULTAN. QazAqparat - Atyraý oblysynda «Dossor-Qulsary-Beıneý-Saı Ótes-Shetpe-Jetibaı-Aqtaý porty» jolyn ortasha jóndeý jumystary aıaqtaldy, dep habarlaıdy QazAqparat.
«Qazaqstanda respýblıkalyq mańyzy bar joldardy ortasha jóndeýden ótkizý jumystary jalǵasyp jatyr. Jol jóndeýmen aınalysatyn kompanııalar tasjoldardyń ýchaskelerin belgilengen merzimnen buryn paıdalanýǵa berýde. Osylaısha Atyraý oblysyndaǵy «Dossor-Qulsary-Beıneý-Saı Ótes-Shetpe-Jetibaı-Aqtaý porty» jolynyń 45 shaqyrymyn jańartý jumystary josparlanǵan merzimnen buryn aıaqtaldy», - delingen QR Indýstrııa jáne ınfraqurylymdyq damý mınıstrliginiń Telegram paraqshasynda jarııalanǵan aqparatta .
Vedomstvo málimetinshe, «Dossor-Qulsary-Beıneý-Saı Ótes-Shetpe-Jetibaı-Aqtaý porty» jolyn ortasha jóndeý jumystary mejelengen merzimnen eki aı buryn aıaqtalyp otyr. Jóndeýden ótken jol ýchaskeleri búgingi tańda qozǵalys úshin ashyq.
Aıta ketsek, elde respýblıkalyq mańyzy bar joldardyń 1143 shaqyrymy qalpyna keltirilýde. Ortasha jóndeý jumystarymen 66 nysan qamtylǵan.
