DOSOV ÁBІLQAIYR YSQAQULY
1916 jyly Omby orys-qyrǵyz (qazaq) jetim balalar pansıonyna ornalasyp, qazaq oqýshy jastarynyń «Birlik» mádenı-aǵartý úıirmesine múshe bolǵan. 1917 jyly Qazan tóńkerisinen keıin Omby qyrǵyz (qazaq) keńesi jáne oblystyq revolıýtsııalyq trıbýnal músheligine saılandy. Keıinnen tótenshe komıssııanyń erekshe otrıadyn basqarǵan. Kókshetaý oblystyq tótenshe komıssııasynyń ınspektory, Reseı Kommýnıstik (bolshevıkter) partııasy Ortalyq Komıtetiniń Sibir bıýrosy janyndaǵy tatar, qyrǵyz (qazaq) sektsııasynyń hatshysy, «Kedeı sózi» gazetiniń redaktory qyzmetterin atqarǵan. 1920 jyly qazan aıynda ótken Qazaq keńesteriniń 1-quryltaı sezinde Qazaq AKSR Ortalyq Atqarý Komıtetiniń tóralqa múshesi jáne hatshysy bolyp saılanǵan. 1922-1926 jyldary Semeı gýbernııalyq atqarý komıtetiniń, Túrkistan oblystyq revolıýtsııalyq komıtetiniń, Oral oblystyq atqarý komıtetiniń tóraǵasy qyzmetterin atqardy. 1926-1927 jyldary Qazaqstannyń Búkilreseılik Ortalyq Atqarý Komıteti janyndaǵy ókili boldy. 1927-1930 jyldary Búkilreseılik Ortalyq Atqarý Komıteti tóralqasynyń múshesi, 1930-1937 jyldary Búkilodaqtyq Kommýnıster (bolshevıkter) partııasy Ortalyq Komıtetiniń nusqaýshysy, Shyǵys Qazaqstan oblystyq partııa komıtetiniń ekinshi hatshysy, Aqtóbe oblystyq partııa komıtetiniń birinshi hatshysy, 1936 jyly Ońtústik Qazaqstan oblystyq partııa komıtetiniń hatshysy, 1937 jyldan Shymkent qalalyq partııa komıtetiniń birinshi hatshysy qyzmetterin atqarǵan. 1933-1937 jyldary Búkilodaqtyq Kommýnıster (bolshevıkter) partııasy Qazaqstan ólkelik komıtetiniń, Qazaqstan Kommýnıstik partııasy Ortalyq Komıtetiniń, Búkilreseılik Ortalyq Atqarý Komıteti jáne Qazaq Ortalyq Atqarý Komıtetiniń múshesi bolyp saılanǵan.
Búkilodaqtyq Kommýnıster (bolshevıkter) partııasy 17-seziniń delegaty boldy.
Dosov Ábilqaıyr 1937 jyly 28 qarashada jalǵan saıası aıyppen tutqyndalyp, 1938 jyly 8 naýryzda KSRO Joǵarǵy Soty Áskerı kollegııasynyń úkimimen atý jazasyna kesilgen. 1956 jyly 12 qazanda aqtalǵan.
Derek kózi:
Qazaqstan ulttyq entsıklopedııasy, 3 tom.
