Dosqan Joljaqsynov «Qazaqtyń ulttyq ertegileri» jobasynyń tusaýyn kesti
ASTANA. 13 sáýir. QazAqparat - «Mega Center Alma-Ata» saýda, oıyn-saýyq ortalyǵynda CD-ǵa jazylǵan «Qazaqtyń ulttyq ertegileri» jobasynyń tanystyrylymy ótti.
Jobanyń atvory, Qazaqstan Respýblıkasynyń Halyq ártisi jáne memlekettik syılyqtyń laýreaty Dosqan Joljaqsynov. Ol dıskige qazaq tilindegi 30-dan astam ertegini jazdy.
Balalarǵa arnalǵan ertegilerden bólek, dıskide ár jyldary eldiń astanasy bolǵan Qazaqstannyń basty qalalary týraly aqparattar bar. Sondaı-aq avtor balalardy el murajaılarynyń qundylyǵyna aınalǵan arheologııalyq jádigerlermen tanystyrady. Halyq ártisiniń áńgimesi ulttyq áýenniń súıemeldeýimen baıandalady. Tórt bólimnen turatyn dıskiniń sońynda Qazaqstannyń Ánurany oryndalady.
Qazaq tilindegi halyq ertegileriniń toptamasyn jasaý ıdeıasy D.Joljaqsynovqa 10 jyl buryn keldi. Ony júzege asyrý úshin avtor Bilim jáne ǵylym mınıstirinen de kómek suraǵan kórinedi. Ol kezde ertegiler aýdıokassetalarǵa jazylýy kerek edi. Joljaqsynovtyń ıdeıasy boıynsha olar qulaqqaptarmen birge qoljetimdi baǵamen satylýy tıis boldy.
«Qazaqmys» korporatsııasynyń kómegimen jobany júzege asyrýdyń múmkindigi búgin ǵana týdy.
«Jyldarǵa qaramastan ıdeıa ózektiligin joǵaltqan joq. Jas býyn halyqtyń tarıhy men dástúrin ǵana emes, tilin de bilýi kerek. Meniń nemerelerimen qazaq ertegilerin tyńdap tárbıelenýde, olardy basqa balalar da estise eken deımin», - deıdi D. Joljaqsynov.
Avtordyń aıtýynsha, dıskige meıirimdiligi kóp jáne sońy qýanyshpen aıaqtalatyn ertegiler ǵana engizildi.
CD-degi «Qazaqtyń ulttyq ertegileri» «Meloman» dúkender jelisine satylymǵa tústi.
