Dosqalıev pen Aqsholaqovtyń erekshe qasıetteri qandaı
Aqtóbede «Aımaqtyq densaýlyq saqtaýdy jańǵyrtý. Negigzi baǵyttar. Medıtsınalyq klaster klaster jumysynyń 1 jyldyǵy» atty ǵylymı-praktıkalyq konferentsııa ótti.
«Týǵan jer» respýblıkalyq forýmy aıasynda Aqtóbege kelgen ǵalym-farmakolog, QR Ulttyq ǵylym akademııasynyń akademıgi, Densaýlyq saqtaý mınıstrligi, Dárilik zattardy, medıtsınalyq maqsattaǵy buıymdar men medıtsınalyq tehnıkany saraptaýdyń ulttyq ortalyǵynda bas farmakolog bolyp jumys isteıtin Raısa Kúzdenbaeva shákirtteri týraly syryn jetkizdi. Ol burynǵy Densaýlyq saqtaý mınıstri Jaqsylyq Dosqalıevtiń adamı qasıetin erekshe atap ótti.
«Ol mınıstr bolǵan kezde qabyldaýyna bardym, meni kirgizbedi. Jaqsylyq kelgen soń «myna kisi meni kirgizbeı tur» dep aıttym. Ol hatshy qyzǵa: «Myna kisini tanyp alyńyz. Eger men bos bolsam bul adam qabyldaý bólmesinde otyrmaýy tıis. Ol meniń ustazym» dedi. Sol jerde qalaı qulap qalmaǵanymdy bilmeımin?»- dedi ol. Raısa Kúzdenbaeva shákirtterin maqtan etetinin, únemi qoldaýlaryn sezetinin jetkizdi. Tipti kómek qajet kezde telefon shalyp, naýqastardy em júrgizýge jiberedi.
«Sizdiń shákirtińiz, telefon shalyńyzshy dep aıtady. Men habarlasamyn, eshqaısysy qarsy bolǵan emes»,- dedi Raısa Kúzdenbaeva.
Aqtóbedegi jerlester forýmyna arnaıy shaqyrylǵan Raısa Kúzdenbaevaǵa Aqtóbe oblysynyń ákimi Berdibek Saparbaev alǵysyn aıtty.
«Abaı ákesinen qoryqpaǵan, men Abaımyn dep aıtqan. Sol kezde Qunanbaı «eger sen myqty bolsań dúnıege Abaı sekildi balany ákel» dep aıtqan eken. Ustazdyń eń myqtysy - ózinen myqty azamat tárbıeleý. Serik Aqsholaqov, Jaqsylyq Dosqalıev, Sálim Berkinbaevty aıtqanym, ol sizdi aıtqanym. Siz sekildi myqty ustaz bolmasa, bul dárigerler myqty maman bolmas edi», - dedi Berdibek Saparbaev.
