Dosbol Balǵabaı – dzıýdodan álem chempıonatynyń júldegeri
ASTANA. QazAqparat – Qazaqstandyq Dosbol Balǵabaı (81 keli) dzıýdodan jasóspirimder arasynda álem chempıonatynda qola júldeger atandy, dep habarlaıdy QazAqparat tilshisi.
Horvatııa astanasy Zagreb qalasynda ótip jatqan dúbirli dodanyń úshinshi jarys kúninde el quramasynyń qorjyny taǵy júldemen tolyqty.
Ol jarysty ekinshi aınalymnan bastap, aldymen japonııalyq, odan keıin brazılııalyq qarsylasyn jeńdi.
Shırek fınalda grýzııalyq balýandy jeńip, jartylaı fınalǵa shyqty. Al jartylaı fınalda jarys chempıony atanǵan serbııalyq Borıs Rýtovıchke ese jiberip, qola júldege talasýǵa múmkindik aldy.
Qazaqstandyq dzıýdoshy 3-oryn úshin básekede germanııalyq Dıstel Konstantındi qapy qaldyrdy.
Aıta ketsek, budan buryn el quramasynan Nurlan Isataev (55 keli) chempıon atansa, Sabına ıÝldashbekova (40 keli) kúmis, Oralbek Baızaq (55 keli) qola júldege ıe boldy.
Medaldar kestesinde qazaqstandyq sportshylar úshinshi orynda tur. Enshimizdiń qorjynynda 1 altyn, 1 kúmis jáne 2 qola medal bar.
Álem chempıonaty 27 tamyzǵa deıin jalǵasady. Oǵan 64 elden 576 jas balýan keldi.
