Dosaev Belgııa men Italııa qarjy ınstıtýttarynyń basshylarymen kezdesti
ASTANA. QazAqparat - «Báıterek» UBH» AQ basqarmasynyń tóraǵasy Erbolat Dosaev Belgııa men Italııaǵa jumys saparymen baryp, onyń sheńberinde iri qarjy ınstıtýttary men kompanııalardyń basshylarymen yntymaqtastyq máseleleri boıynsha birqatar kezdesýler ótkizdi, dep habarlaıdy QazAqparat.
Holdıng baspasóz qyzmetiniń aqparatyna sáıkes, Erbolat Dosaev Brıýsselde «AWEX» bas dırektory Shantal De Blemen jáne «Credendo Group» atqarýshy komıtetiniń bas dırektory jáne tóraǵasy Dırk Tervedıývemen kezdesti.
Taraptar eksporttaý jáne ınvestıtsııalar tartý salasyndaǵy yntymaqtastyq, syrtqy saýdaǵa qoldaý kórsetý jáne shetelden ınvestıtsııa tartý maqsatynda «KazakhExport» ESK» AQ (Holdıngtiń enshiles uıymy) men «AWEX» birlesken platformalaryn qurý perspektıvalaryn talqylady. Kelissózder barysynda Erbolat Dosaev: «Qazirgi ýaqytta «KazakhExport» eksportty qoldaý boıynsha tetikter spektryn: memlekettik kepildik berýdi, eksportty qarjylandyrý boıynsha paıyzdyq mólsherlemelerdi sýbsıdııalaýdy jáne Holdıngtiń basqa da enshiles kompanııalaryn qoldaý tetikterimen yqpaldastyrýdy keńeıtti», - dep atap ótti.
Óz kezeginde belgııalyq tarap talqylanatyn bastamalardyń yqtımal ımplementatsııasyna qyzyǵýshylyq tanytty.
«Credendo Group» atqarýshy komıtetiniń bas dırektory jáne tóraǵasy Dırk Tervedıývemen kezdesýde Dosaev syrtqy saýdany qoldaý jáne sheteldik ınvestıtsııalardy tartý boıynsha biryńǵaı tetik qurý máselesin talqylady. Belgııalyq tarap naqty aqparattardy alýdyń mańyzdylyǵyn aıtty.
Rımde Erbolat Dosaev «Cassa Depositi e prestiti Group» kompanııasynyń bas jáne qarjy dırektorlary Fabıo Gallıamen jáne Antonella Baldınomen, «Simest» dırektorlar keńesiniń tóraǵasy Salvatore Rebechchınımen jáne «SACE» basqarýshy dırektory Tereza Saponaramen, «Confindustria» kompanııasynyń halyqaralyq isteri jónindegi basqarýshy dırektory Kamılla Chıonını Vızanımen jáne «ICE» jyljytý jónindegi úılestirý keńesiniń dırektory Djovannı Sachchımen kelissózder ótkizdi.
«Simest» dırektorlar keńesiniń tóraǵasy Salvatore Rebechchınımen jáne «SACE» basqarýshy dırektory Tereza Saponaramen kórshi naryqqa birlese eksportty jyljytý salasyndaǵy yntymaqtastyq máseleleri talqylandy. Italııalyq tarap ózderiniń bıznes múddelerin jyljytý jáne óńirge uzaq merzimdi ınvestıtsııalar tartý tetigin daıyndaýǵa qyzyǵýshylyq tanytty.
Sonymen qatar, «Báıterek» holdınginiń «SACE» jáne «Simest» kompanııalarymen ınfraqurylymdyq jáne ónerkásiptik jobalarǵa uzaq merzimdi ınvestıtsııalar tartý boıynsha yntymaqtastyǵy qaraldy. Qazaqstandyq tarap ıtalııalyq kompanııanyń Holdıngtiń enshiles uıymdary - «Kazakhstan Project Preparation Fund» JShS-men jáne «Kazyna Capital Management» AQ-men yntymaqtastyǵyn tereńdetý múmkindigin qaraýdy usyndy.
«Confindustria» kompanııasynyń halyqaralyq isteri jónindegi basqarýshy dırektory Kamılla Chıonını Vızanımen kezdesý barysynda Erbolat Dosaev EKSPO-2017 sheńberinde birlesken is-sharalar uıymdastyrý múmkindigin talqylady. Al «ICE» jyljytý jónindegi úılestirý keńesiniń dırektory Djovannı Sachchımen kezdesý barysynda Holdıng basshysy Qazaqstan-Italııa yntymaqtastyǵynyń perspektıvalaryn qozǵady.
