Dosaev: Astanany gazdandyrýǵa 1900 adam jumyldyrylady

ASTANA. QazAqparat - Búgin Elbasynyń tóraǵalyǵymen ótip jatqan Úkimettiń keńeıtilgen otyrysynda QR Premer-Mınıstriniń orynbasary Erbolat Dosaev «Saryarqa» gaz qubyry jobasy aıasynda qansha jumys orny qurylatynyn aıtty, dep habarlaıdy QazAqparat.

«Ótken jyly jeltoqsanda «Saryarqa» gaz qubyrynyń qurylysyn bastaýǵa ruqsat berdińiz. Búginde qurylysty qarjylandyrýdyń máseleleri sheshelip, bas merdiger anyqtaldy. Jobany júzege asyrý men gaz qubyryn paıdalaný kezeńinde 1 900-ge jýyq jańa jumys orny qurylady», - dedi E. Dosaev.

Budan buryn habarlanǵandaı, Nursultan Nazarbaevtyń qatysýymen ótken ındýstrııalandyrýdyń ekinshi besjyldyǵy aıasyndaǵy jalpy ulttyq telekópir barysynda «Saryarqa» gaz qubyrynyń qurylysyna bastaý berildi.

Sonymen qatar, jaqynda QR Energetıka mınıstri Qanat Bozymbaev atalmysh joba aıasynda qubyr tartý jumystary týraly baıandady.