DOS-tan Aıgúl Imanbaevaǵa deıin: Astanada búgin kimder án shyrqap jatyr
ASTANA. KAZINFORM — Astananyń birneshe alańynda Respýblıka kúnine arnalǵan merekelik kontsertter ótip jatyr. Búgin ashyq aspan astyndaǵy kontsertter Astananyń alty aýdanynda uıymdastyrylyp jatyr, dep habarlaıdy elorda ákimdiginiń resmı saıty.
Almaty aýdanynda merekelik kontsert Temirjolshylar turǵyn alabynda ótip jatyr. Baǵdarlamada Luqpan Joldasov, Merýert Baqyt, Eraly Qanjyǵaly, «Altyn» trıosy, «Aısha bıbi» dýeti jáne «DiEra» trıosy óner kórsetedi.
Saǵat 15:00–de merekelik baǵdarlama «Jastar» saıabaǵynda jalǵasady. Munda Dıdar Mansur, «Aılın» trıosy, Medet Shaıkelov, «Astana» toby, Parasat Otan jáne «Altyn» trıosy óner kórsetedi.
Baıqońyr aýdanynda kontsert Óndiris turǵyn alabynda ótip jatyr.
Kórermen aldynda Farıda Joldasova, Baýyrjan Isaev, Madına Islamova, Ákimhan men Aqbota, Danııal Ahmetov jáne «Aılın» trıosy óner kórsetedi.
Saǵat 15:00–de «Atatúrik» saıabaǵynda Madına Islamova, Aıan Jaımaǵambetov, «Aısha bıbi» dýeti, DOS, «Altyn» trıosy jáne Mádı Qadyrov sahnaǵa shyǵady.
Esil aýdanynda merekelik kontsert saǵat 15:00–de Baǵystan turǵyn alabynda ótedi. Kórermen aldynda Altynshash Muqataeva, Farıda Joldasova, Baýyrjan Isaev, «DiEra» trıosy, «Beles» dýeti jáne «Aılın» trıosy óner kórsetedi.
Nura aýdanynda saǵat 12:00–de Úrker turǵyn alabyndaǵy «Aıǵyrjal» gúlzarynda merekelik baǵdarlama bastaldy. Jurt aldynda Turar Tóleýtaı, Aıgúl Imanbaeva, Dıdar Ábdihalyq, «Jaryq» dýeti, Aıan Jaımaǵambetov jáne «Qazaq Voice» trıosy án shyrqaıdy.
Saǵat 15:00–de Jaǵalaý turǵyn alabynda kontsert ótedi. Baǵdarlamada Nurbol Balapanova, Medet Salyqov pen Klara Tólenbaevanyń dýeti, «Erkem» trıosy, Turar Tóleýtaı, Merýert Baqyt jáne Aıan Jaımaǵambetov óner kórsetedi.
Saraıshyq aýdanynda is-shara Ónerkásip turǵyn alabynda ótip jatyr. Kórermen aldynda Medet Salyqov pen Klara Tólenbaevanyń dýeti, Altynshash Muqataeva, Nurbol Balapanov, «DiEra» trıosy, Eraly Qanjyǵaly jáne «Altyn» trıosy óner kórsetedi.
Saǵat 15:00–de merekelik baǵdarlama Otaý shaǵynaýdanynda jalǵasady. Munda Danııal Ahmetov, Aıgúl Imanbaeva, Ákimhan men Aqbota, «Qazaq Voice» trıosy, Dıdar Ábdihalyq jáne «Jaryq» dýeti óner kórsetedi.
Saryarqa aýdanyndaǵy kontsert «Kóktal-1» turǵyn alabynda ornalasqan «Naz» memlekettik bı teatrynyń alańynda bastaldy. Oǵan Aıan Jaımaǵambetov, Zarına Omarova, Parasat Otan, «Erkem» trıosy, Turar Tóleýtaı jáne «Astana» toby qatysyp jatyr.
Sonymen qatar «Kóktal-2» turǵyn alabyndaǵy «Qorǵaljyn» gúlzarynda da merekelik baǵdarlama bastaldy. Munda Mádı Qadyrov, Medet Shaıkelov, Dıdar Mansur, Baýyrjan Isaev, «Aılın» trıosy jáne «Beles» dýeti óner kórsetedi.
Saǵat 15:00–de Qalalyq alańda kontsert ótedi. Kórermen aldynda DOS, Luqpan Joldasov, Zarına Omarova, Eraly Qanjyǵaly, «DiEra» trıosy jáne Turar Tóleýtaı óner kórsetedi.
Aıta keteıik, Respýblıka kúnine oraı elordada mádenı, tanymdyq, bilim berý, sporttyq, ekologııalyq jáne áleýmettik baǵyttaǵy 120-dan astam is-shara uıymdastyrylyp jatyr. Astana turǵyndary men qonaqtary úshin merekelik kontsertter, kórmeler, spektaklder, arnaıy taqyryptaǵy kezdesýler, baıqaýlar, sport jarystary men túrli aktsııalar ótedi.
Sonymen qatar ulttyq merekege oraı jańa nysandardy ashý josparlanyp otyr.
Buǵan deıin Astanada demalys kúnderi qaıda barýǵa bolatynyn jazǵanbyz.
