Dortıkos Shúmenovti qaǵaz júzinde ǵana chempıon dep atap, ony jekpe-jekke shaqyrdy
ASTANA. QazAqparat - Osydan birshama ýaqyt buryn Búkilálemdik boks qaýymdastyǵy (WBA) qaýly qabyldady. Onda WBA (Super) (sonymen qatar IBF) nusqasy boıynsha birinshi aýyr salmaqtaǵy chempıon reseılik Denıs Lebedev 120 kún ishinde WBA (Regular) beldiginiń ıegeri qazaqstandyq Beıbit Shúmenovpen kezdesýi kerek dep sheshildi.
Odan keıin bul jekpe-jektiń jeńimpazy osy salmaqtaǵy WBA (Interim) chempıony kýbalyq ıÝner Dortıkospen kezdesýi tıis. Osylaısha, WBA josparynsha, birinshi aýyr salmaqta olardyń nusqasy boıynsha jalǵyz chempıon anyqtalady. Dortıkos osynsha kóp ýaqyt kútkisi kelmegendikten, qazirden-aq Shúmenovty jekpe-jekke shaqyra bastady, dep habarlady sports.kz.
«Shúmenovte ne bolyp jatqanyn bilmeımin, - dedi Dortıkos. - Ol Lebedevti jekpe-jekke shaqyryp, men týraly umytyp ketti. Judyryqtasqyń kele me? Onda judyryqtasaıyq! Kim naǵyz chempıon ekenin sonda kóremiz. Nátıjesinde Shúmenov qaǵaz júzinde ǵana chempıon bolyp shyǵady. Ol kóp sóıleıdi. Menimen kezdesse ne bolatynyn jaqsy biledi».
