«Dorıan» daýyly Bagam araldaryna jetti
NUR-SULTAN. QazAqparat – «Dorıan» daýyly Bagam araldaryna jetip, endi AQSh-tyń ońtústik-shyǵysyna qaraı jaqyndap keledi. Tabıǵı apat birinshi bolyp Abako aralyn zaqymdaǵan, onda jeldiń ekpini saǵatyna 354 shaqyrymǵa jetken, dep habarlaıdy QazAqparat euronews.com saıtyna silteme jasap.
Bul 1980 jyly Atlant teńizinde bolǵan «Allena»-dan keıingi ekinshi alapat daýyl. Al Bagam araldarynyń turǵyndary osyndaı surapyl daýylmen alǵash ret kezdesip otyr.
AQSh bıligi Florıda, Djordjııa jáne Ońtústik Karolına shtattarynda tótenshe jaǵdaı rejimin engizdi.
AQSh prezıdenti Donald Tramp Polshaǵa josparlaǵan saparyn keıinge qaldyrdy. Ol «Dorıannyń» kúshin baǵalamaýǵa bolmaıtynyn atap ótti. Sebebi, ol elge aıtarlyqtaı zalal keltirýi múmkin.
