Dopty hokkeıden Oraldyń «Aqjaıyǵy» qarsylasyna ese jiberdi
ORAL. QazAqparat – Dopty hokkeıden joǵary lıga komandalary arasynda Reseı chempıonatynda Oraldyń «Aqjaıyǵy» óz aıdynynda «Nıkelşıkpen» (Verhnıı Ýfaleı) ekinshi oıynyn ótkizdi, dep habarlaıdy QazAqparat tilshisi.
«Jastar» stadıonyndaǵy bul jolǵy kezdesý qonaqtardyń basymdylyǵymen ótti. Oıyn 6:2 esebimen «Nıkelşıktiń» paıdasyna sheshildi.
«Aqjaıyq» sapynda Samat Amanshın men Bolat Muhıt mergendigimen kózge tústi.
Osylaısha, buǵan deıin qatarynan alty matchynda jeńiske jetken Nıkolaı Shavaldınniń shákirtteri búgin súrindi.
«Aqjaıyq» kelesi kezdesýlerin óz aıdynynda 1-2 aqpanda úshinshi topta kósh bastaýshy komandalardyń biri – «SKA-Sverdlovsk» klýbymen ótkizedi.
Eske sala keteıik, budan buryn dopty hokkeıden «Aqjaıyqtyń» kezekti jeńisine qol jetkizgenin jazǵan edik.
Foto: «Aqjaıyq» SK
