Dopty hokkeıden Qazaqstan jastar quramasyn túgelge jýyq oraldyqtar qurap otyr
ORAL. QazAqparat - 27-29 qańtar aralyǵynda Reseıdiń Syktyvkar qalasynda 19 jasqa deıingi jastar arasynda dopty hokkeıden álem chempıonaty ótedi, dep habarlaıdy «QazAqparat» HAA tilshisi.
«Aqjaıyq» sport klýbynan túsken málimetke qaraǵanda, Aleksandr Rojkov pen Zákirjan Artyqov baptaıtyn Qazaqstan quramasyn túgelge jýyq oraldyqtar qurap otyr. Qazaqstandyq jastar 27 qańtar kúni áýeli Shvetsııa, sodan keıin Fınlıandııa quramasymen oınaıdy. Al kelesi kúni Reseı men Norvegııa eliniń bendı sheberlerimen aıdynǵa shyǵady. Eger osy kezdesýlerin sátti ótkizse, júldege talasa alady.
Eske sala keteıik, qazirgi kezde Qazaqstandaǵy dopty hokkeıden jalǵyz klýb - «Aqjaıyq» komandasynyń Reseı chempıonatynyń joǵary lıgasynda oınap júrgeni belgili. Shvetsııanyń Sandvıken qalasynda 29 qańtar - 5 aqpan aralyǵynda dopty hokkeıden eresekter arasynda ótetin HHHVІІ álem chempıonatyna baratyn Qazaqstan ulttyq quramasyna «Aqjaıyqtan» komanda kapıtany, shabýylshy Maksım Ótebalıev qana alynyp otyr. Oǵan qosa Qazaqstan quramasy sapynda Oral dopty hokkeıiniń túlekteri, qaqpashy Іlııas Haırekeshev, qazirgi kezde basqa elderdiń klýbtarynda oınap júrgen jartylaı qorǵaýshy Leonıd Bedarev (Shvetsııa, «Kalıks»), shabýylshylar Raýan Isalıev (Reseı, «Sıbselmash») pen Eskendir Nuǵmanov (Norvegııa, «Hevık») óner kórsetpek.
Dopty hokkeıden Qazaqstan quramasynyń aǵa bapkeri, halyqaralyq dárejedegi sport sheberi, elimizdiń eńbek sińirgen sport sheberi jáne jattyqtyrýshysy Marat Mańǵýbaevtyń aıtýynsha, «Aqjaıyqtyń» taǵy bir túlegi Denıs Maksımenko bıylǵy álemdik dodaǵa jaraqatyna baılanysty qatysa almaıdy. Al burynǵy oraldyqtardyń taǵy bir toby Germanııa quramasy sapynda aıdynǵa shyqpaq.
