Dopty hokkeıden Qazaqstan quramasyna «Aqjaıyqtan» Maksım Ótebalıev alyndy
ORAL. QazAqparat - Shvetsııanyń Sandvıken qalasynda 29 qańtar - 5 aqpan aralyǵynda dopty hokkeıden ótetin HHHVІІ álem chempıonatyna qatysatyn Qazaqstan ulttyq quramasyna Oraldyń «Aqjaıyǵynan» komanda kapıtany, shabýylshy Maksım Ótebalıev alǵash ret shaqyrtý alyp otyr, dep habarlaıdy «QazAqparat» HAA tilshisi.
«Aqjaıyq» sport klýbynyń dırektory Azamat Shaıhynyń aıtýynsha, Maksım bıylǵy maýsymda óte jaqsy óner kórsetip júr ári komanda mergenderiniń biri.
Qazaqstan quramasy sapynda sondaı-aq Oral dopty hokkeıiniń túlekteri, qaqpashy Іlııas Haırekeshev, qazirgi kezde basqa elderdiń klýbtarynda oınap júrgen jartylaı qorǵaýshy Leonıd Bedarev (Shvetsııa, «Kalıks»), shabýylshylar Raýan Isalıev (Reseı, «Sıbselmash») pen Eskendir Nuǵmanov (Norvegııa, «Hevık») el namysyn qorǵamaq. Budan buryn Saratovtyń «Ýnıversalynda» oınaǵan І.Haırekeshev atalmysh klýb tarap ketkennen keıin komandasyz qaldy, ol Oralda jattyǵýda.
Buǵan deıin alty márte álem birinshiliginiń qola júldegeri atanǵan qazaqstandyqtardy burynǵysha Qazaqstannyń eńbek sińirgen jattyqtyrýshysy Alekseı Nıkıshov bastaǵan mamandar baptaıdy.
«Sońǵy kezde Qazaqstan quramasy edáýir jańardy. Mysaly, Reseıdiń «Vodnık» komandasynan (Arhangelsk) bes birdeı jańa oıynshy alyndy. Ótken jyldan beri quramany barynsha daıyndaý ústindemiz. Burynnan oınap kele jatqan tisqaqqan bendı sheberleri de joq emes. Maqsat bireý - júldeli oryndar úshin barymyzdy salý», - dedi «QazAqparat» tilshisine quramanyń aǵa bapkeri, halyqaralyq dárejedegi sport sheberi, Qazaqstannyń eńbek sińirgen jattyqtyrýshysy Marat Mańǵýbaev.
Aıta keteıik, bıylǵy álemdik dodada qazaqstandyqtar betashar matchyn 30 qańtar kúni altyn júldeden basty úmitkerdiń biri Reseı quramasymen ótkizedi. Sodan keıin 31 qańtarda óz aıdynynda chempıondyq ataqty jeńip alýǵa tyrysatyn Shvetsııamen, 1 aqpan kúni Fınlıandııa hokkeıshilerimen kúsh synasady. Sosyn pleı-off oıyndary bastalady.
