Dopty hokkeıden Qazaqstan quramasy úshin 7:2 esebi «úırenshikti» bolyp otyr
ORAL. 27 qańtar. QazAqparat /Eljan Eraly/ - Qazan qalasynda ótip jatqan dopty hokkeıden álem birinshiliginde Qazaqstan quramasy keshe reseıliktermen kúsh synasty.
Birinshi taımda Reseı quramasy 2:1 esebimen ǵana basym tússe, oıynnyń ekinshi kezeńinde áldeqaıda shıraq oınady. Sóıtip esepti 7:2-ge jetkizdi. Buǵan deıingi oıyndarda qazaqstandyqtar dál osyndaı eseppen Norvegııa men AQSh-ty utyp, shvedterden utylyp qalǵan bolatyn. Búgin Qazaqstan quramasy fındermen kúsh synasady. Osyǵan deıingi álem chempıonattarynyń bárinde derlik qola júlde úshin qazaqstandyqtar osy fın quramasymen sheberlik baıqasyp keledi. Bıyl da Qazaqstan quramasy ázirge tórt upaımen tórtinshi orynda tur.
Aldaǵy jartylaı fınaldyq básekeler 29 qańtarda, eń sońǵy sheshýshi oıyndar 30 qańtarda ótedi.
