Dopty hokkeıden Qazaqstan quramasy Shvetsııaǵa ese jiberdi
ORAL. 26 qańtar. QazAqparat /Eljan Eraly/ - Qazan qalasynda dopty hokkeıden ótip jatqan álem chempıonatynda Qazaqstan quramasy keshe Shvetsııa komandasymen aıdynǵa shyqty.
Álem chempıony ataǵyn áldeneshe ret jeńip alǵan shvedterdiń basymdylyǵy birden baıqaldy. Sóıtip olar oıynnyń alǵashqy kezeńinde jaýapsyz bes dop soqty. Esesine ekinshi taımda qazaqstandyqtar dopqa basymyraq ıelik etti. Raýan Isalıev, Eskendir Nuǵmanov syndy jas oıynshylar da aıdynǵa kóbirek shyqty. Sóıtip bul taım 2:2 esebimen teń aıaqtaldy. Qorytyndy esep - 2:7, shvedterdiń paıdasynda. Aldyńǵy eki oıynda qazaqstandyqtar dál osyndaı eseppen Norvegııa, AQSh quramalaryn utqan bolatyn.
Qazaqstandyqtar Fınlıandııa, Reseı quramalarymen kezdesýlerin ótkizgennen keıin jartylaı fınal oıyndaryna qatysady. Jartylaı fınal oıyndary aldaǵy senbige belgilense, sheshýshi básekeler jeksenbi kúni ótedi.
