Dopty hokkeıden fınal: «Aqjaıyq» jetinshi orynǵa ıe boldy

ORAL. QazAqparat - Krasnoıarsk qalasynda dopty hokkeıden joǵary lıga komandalary arasynda búkilreseılik jarystyń fınaldyq oıyndary márege jetti, dep habarlaıdy QazAqparat tilshisi.

Oraldyń «Aqjaıyǵy» 7:8 oryndar úshin «Sıbselmash-2» (Novosibir) komandasymen synǵa tústi.

Atalmysh qos komanda fınaldaǵy óz tobynda tórtinshi orynǵa shyqqan edi.

Birinshi taımda novosibirlikter alda boldy - 3:2. Ekinshi kezeńde oraldyqtar tarazy basyn teńestirdi - 6:6.

Qosymsha ýaqytta Nıkolaı Shavaldınniń shákirtteri jeńisti julyp aldy - 7:6.

Bul oıynda «Aqjaıyqtyń» surmergeni Maksım Pahomov bes goldyń avtory atandy. Taǵy bir reseılik legıoner Sergeı Bashaev qarsylas qaqpasyna qos dop engizdi.

Osylaısha oraldyqtar fınaldyq kezeńde 7-orynǵa ıe boldy.

Eske sala keteıik, budan buryn «Aqjaıyqtyń» A tobynda sońǵy kezdesýin ótkizgenin jazǵan bolatynbyz.