Dopty hokkeıden fınal: «Aqjaıyq» sońǵy kezdesýin ótkizdi
ORAL. QazAqparat - Dopty hokkeıden Krasnoıarskide joǵary lıga komandalary arasynda búkilreseılik jarystyń fınalynda «Aqjaıyq» «Volga-Cheremshan» (Ýlıanovsk) komandasymen kezdesti, dep habarlaıdy QazAqparat tilshisi.
Oraldyq maman Nıkolaı Shavaldın jatttyqtyratyn batysqazaqstandyqtar qarsylasyna 2:6 esebimen jol berdi.
«Aqjaıyqtan» reseılik legıoner Sergeı Bashaev eki goldyń avtory atandy.
Osylaısha oraldyqtar A tobynda bes match ótkizip, sonyń ekeýinde jeńiske jetip, alty upaımen tórtinshi orynǵa taban tiredi.
2021-2022 jylǵy maýsymda «Aqjaıyqtyń» úshinshi topta úzdik úshtikke iligip, fınaldyq saıystarǵa joldama alǵanyn tabys dep esepteýge bolady.
Eske sala keteıik, budan buryn «Aqjaıyqtyń» «Kırovets» komandasyna ese jibergenin jazǵan bolatynbyz.
