Dopty hokkeıden fınal: «Aqjaıyq» «Kırovets» komandasyna ese jiberdi
NUR-SULTAN. QazAqparat – Krasnoıarsk qalasynda dopty hokkeıden joǵary lıga komandalary arasynda ótip jatqan búkilreseılik jarystyń fınalynda Oraldyń «Aqjaıyǵy» tórtinshi kezdesýin búgin «Kırovets» (Ýfa) komandasymen ótkizdi, dep habarlaıdy QazAqparat tilshisi.
Atalmysh qos klýb úshinshi topta synǵa túsip, fınaldyq kezeńge joldama alǵan bolatyn. Ózara oıyndarynda qos-qostan jeńiske jetken edi.
Bul joly «Aqjaıyqtan» Petr Grıbanov esep ashqanymen, ýfalyqtar sapyndaǵy Pavel Dadanov qatarynan úsh gol soqty. Budan keıin Sergeı Bashaev esepti qysqartty – 2:3.
Ekinshi taımda ýfalyqtar sáttirek oınap, qorytyndysynda 11:7 esebimen utyp ketti. «Aqjaıyqtan» reseılik surmergen Maksım Pahomov úsh, komanda kapıtany Maksım Ótebalıev eki goldyń avtory atandy.
Oraldyqtar A tobyndaǵy sońǵy matchyn 11 naýryz kúni «Volga-Cheremshan» (Ýlıanovsk) komandasymen ótkizedi.
Eske sala keteıik, budan buryn «Aqjaıyqtyń» ekinshi jeńisine qol jetkizgenin jazǵan bolatynbyz.
