Dopty hokkeıden BQO quramasy spartakıada chempıony atandy
ORAL. QazAqparat - Oralda dopty hokkeıden QR ІV qysqy spartakıadasynyń oıyndary márege jetti, dep habarlaıdy «QazAqparat» tilshisi.
Aıtýly dodaǵa respýblıka óńirlerinen segiz komanda qatysyp, baq synady.
Jarys qorytyndysynda ózgelerden oq boıy ozyq óner kórsetken BQO quramasy jeńimpaz atandy. Aqtóbelikter ekinshi, shyǵysqazaqstandyqtar úshinshi orynǵa ıe boldy.
Jekelegen oıynshylar da atalymdar boıynsha marapattaldy. Batysqazaqstandyq Narıman Takırov «Úzdik qaqpashy», soltústikqazaqstandyq Aleksandr Godnıa «Úzdik qorǵaýshy», aqtóbelik Sultan Qadyrjanov «Úzdik jartylaı qorǵaýshy», shyǵysqazaqstandyqtar Anton Sveshnıkov «Úzdik shabýylshy», Evgenıı Medvedev «Úzdik mergen» atandy.
Aıta keteıik, dopty hokkeıden joǵary lıga komandalary arasynda búkilreseılik jarysta oınap júrgen Oraldyń «Aqjaıyǵy» jańa maýsymdaǵy óz aıdynyndaǵy alǵashqy kezdesýlerin 23, 24 jeltoqsan kúnderi «Stenovık» stalıonynda «Dınamo-Qazan-2» (Qazan) komandasymen ótkizedi.
