Dopty hokkeıden álem chempıonatynda Qazaqstan quramasy norvegterden jeńilip qaldy
ORAL. QazAqparat- Shvetsııanyń Sandvıken qalasynda dopty hokkeıden ótip jatqan álem chempıonatynda búgin Qazaqstan quramasy shırek fınalda norvegtermen aıdynǵa shyqty, dep habarlaıdy «QazAqparat» HAA tilshisi.
Reseı dopty hokkeı federatsııasynyń saıtynan alynǵan málimetke qaraǵanda, qazaqstandyqtar birinshi taımda 4:0 esebimen alǵa shyqqanymen, oıynnyń ekinshi kezeńinde sol basymdylyqty ustaı almady. Pleı-off básekesi 4:4 bolyp teń aıaqtalǵannan keıin qosymsha ýaqytta Norvegııa quramasy jeńis dobyn soǵyp ketti. Sóıtip qazaqstandyqtar júldeli oryndar úshin talasý quqyǵynan aıyryldy.
Bıyl álem birinshiligine jańartylǵan qurammmen barǵan qazaqstandyqtar munyń aldynda reseılikterge (2:9), shvedterge (4:8) jáne fınderge (3:5) ese jibergen bolatyn.
Qazaqstan quramasynyń aǵa bapkeri Marat Mańǵýbaevtyń aıtýynsha, qazaqstandyqtar endi senbi kúni 5-6-oryndar úshin AQSh quramasymen oınaıdy.
Eske sala keteıik, budan buryn dopty hokkeıden Qazaqstan quramasy alty márte álem chempıonatynyń qola júldegeri atanǵan bolatyn.
