Dopty hokkeıden álem chempıonatyna baratyn Qazaqstan quramasy anyqtaldy
ORAL. 22 qańtar. QazAqparat - Shvetsııanyń Venersborg qalasynda 23 qańtar men 2 aqpan aralyǵynda ótetin dopty hokkeıden álem chempıonatyna baratyn Qazaqstan quramasynyń músheleri anyqtaldy.
Qazaqstan quramasynyń qataryna myna oıynshylar endi: qaqpashylar - Andreı Reın («Dınamov» Máskeý), Aleksandr Kosynchýk («Dınamo-Qazan»), qorǵaýshylar - Mıhaıl Dobrynın («Volga», Ýlıanovsk), Denıs Maksımenko («Start», Nıjnıı Novgorod), Sergeı Gorchakov, Dmıtrıı Popov (ekeýi de «SKA-Neftıanıkten», Habarovsk), ıÝrıı Logınov («Zorkıı», Krasnogorsk), jartylaı qorǵaýshylar - Andreı Kovalev, Evgenıı Shadrın (ekeýi de «Baıkal-Energııadan», Irkýtsk), Rýslan Galıaýtdınov, Leonıd Bedarev (ekeýi de «Starttan»), Andreı Morokov, Denıs Slaýtın (ekeýi de «Rodınadan», Kırov), Dmıtrıı Zavıdovskıı («Enıseı», Krasnoıarsk), Alekseı Zagarskıh («Volga»), shabýylshylar - Aleksandr Nasonov («Baıkal-Energııa»), Vıacheslav Bronnıkov («Rodına»), Raýan Isalıev («Sıbselmash», Novosibir), Sergeı Pochkýnov («SKA-Neftıanık»).
Osylardyń úsheýi, atap aıtqanda, R.Isalıev, D.Maksımenko, L.Bedarev - Oral dopty hokkeıiniń túlekteri.
Qazaqstan quramasynyń tizgini elimizdiń eńbek sińirgen jattyqtyrýshysy Alekseı Nıkıshovtyń qolynda. Oǵan taǵy bir Oral hokkeıiniń dańqty túlegi Marat Manǵýbaev kómektesedi.
Venersborgtan basqa oıyndar Geteborg, Trolhettan, Oslo qalalarynda ótedi.
