Dopty hokkeıden álem chempıonaty: Qazaqstan tórtinshi oryn aldy
ASTANA. QazAqparat – Dopty hokkeıden álem chempıonatynda Qazaqstan quramasy tórtinshi oryn aldy, dep habarlaıdy QazAqparat tilshisi.
Shvetsııanyń Obı qalasynda ótip jatqan álem chempıonatynyń toptyq kezeńinde tórtinshi orynǵa turaqtaǵan qazaqstandyq qurama Norvegııamen qola júlde úshin talasýǵa múmkindik aldy.
Oıyn barysynda norvegııalyq hokkeıshiler jınaqy qımylaı bildi. Nátıjesinde, olar qazaqstandyq áriptesterinen 5:1 esebimen basym túsip, qola medalǵa qol sozdy.
Eske salsaq, el quramasy toptyq kezeńde Fınlıandııaǵa 1:8, Norvegııaǵa 1:6, Shvetsııaǵa 0:12 esebimen jol berse, AQSh quramasyn 7:2 esebimen tize búktirdi.
Endi fınalda Shvetsııa men Fınlıandııa sheberlik baıqasady.
Bıylǵy álem chempıonatynda el quramasy sapynda qaqpashylar – Berjan Ahmetjanov pen Vıacheslav Gorchakov oıyn kórsetti. Sondaı-aq, oıyn shebinde Raýan Isalıev (kapıtan), Elaman Álipqalıev, Ershat Amangeldıev, Nurbol Bókeshov, Eskendir Nuǵmanov, Petr Grıbanov, Denıs Maksımenko, Bolat Muhıt, Dáýren Oralov, Anton Sveshnıkov, Nıkıta ıArov, Samat Amanshın, Qýanysh Temiralın, Sultan Qadyrjanov, Evgenıı Medvedev, Maksım Ýtıbalıev muz aıdynǵa shyqty.
Qazaqstandyq hokkeıshiler bıyl 21-ret álem chempıonatyna qatysty. Aıta ketsek, 2003, 2005, 2012, 2013, 2014, 2015 jyldary úshinshi oryn aldy.
