Dopty hokkeıden álem chempıonaty: Qazaqstan Norvegııadan jeńilip qaldy
ASTANA. QazAqparat - Dopty hokkeıden Qazaqstan quramasy Shvetsııanyń Obı qalasynda ótip jatqan álem chempıonatynda úshinshi oıynyn Norvegııaǵa qarsy ótkizdi, dep habarlaıdy QazAqparat tilshisi.
A dıvızıondaǵy irikteý satysynyń úshinshi oıynynda qazaqstandyq hokkeıshiler Norvegııaǵa 1:6 esebimen ese jiberdi.
El quramasynan jalǵyz goldy Denıs Maksımenko óziniń enshisine jazdy.
Qazirge deıin qazaqstandyq hokkeıshiler Fınlıandııaǵa 1:8 esebimen jol berse, AQSh quramasyn 7:2 esebimen tize búktirdi.
Endi irikteý satysynda 1 sáýirde Shvetsııamen sheberlik baıqasady.
Oıyn kestesinde alǵashqy eki oryn alǵan quramalar bas júldeni sarapqa salsa, úshinshi-tórtinshi oryndaǵy quramalar qola júldege talasady.
Álem chempıonatynda el quramasy 2003, 2005, 2012, 2013, 2014, 2015 jyldarda úshinshi oryn aldy.
