Dopty hokkeıden álem chempıonaty: Qazaqstan qola júldege talasady
ASTANA. QazAqparat - Dopty hokkeıden álem chempıonatynda Qazaqstan quramasy qola júldege talasady, dep habarlaıdy QazAqparat tilshisi.
Shvetsııanyń Obı qalasynda ótip jatqan álem chempıonatynyń toptyq kezeńi aıaqtaldy. Qazaqstandyq hokkeıshiler atalǵan kezeńde tórtinshi orynǵa turaqtady.
El quramasy toptyq kezeńde Fınlıandııaǵa 1:8, Shvetsııaǵa 0:12 esebimen jol berse, AQSh quramasyn 7:2 esebimen tize búktirdi.
Endi birinshi jáne ekinshi oryn alǵan quramalar chempıondyqqa talassa, úshinshi jáne tórtinshi oryndaǵylar qola júldeni sarapqa salady.
Qazaqstan quramasy 2 sáýirde Norvegııamen kúsh synasady.
Al fınalda Shvetsııa men Fınlıandııa sheberlik baıqasady.
Álem chempıonatynda el quramasy 2003, 2005, 2012, 2013, 2014, 2015 jyldarda úshinshi oryn aldy.
