Dopty hokkeıden «Aqjaıyq» jańa maýsymdaǵy alǵashqy jeńisine qol jetkizdi
ORAL. QazAqparat – Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» jańa maýsymdaǵy alǵashqy oıyndaryn Orynborda jergilikti «Lokomotıvpen» ótkizdi, dep habarlaıdy QazAqparat tilshisi.
«Dınamo» stadıonynda 16 jeltoqsan kúni ótken tartysty matchta oraldyqtar 4:5 esebimen ese jiberdi.
Bul kezdesýde «Aqjaıyq» sapynda reseılik legıonerler Artem Lapshın men Maksım Pahomov, sondaı-aq Oral dopty hokkeıiniń túlekteri Petr Grıbanov pen Bolat Muhıt bir-bir goldan soǵyp, kózge tústi.
Búgin ótken ekinshi oıyndy oraldyq maman Nıkolaı Shavaldınniń shákirtteri jınaqy ótkize bildi. M.Pahomov het-trıktiń, A.Lapshın qos goldyń avtory atansa, Samat Amanshın men Pavel Chebakov bir retten dop soǵa aldy.
Osylaısha, 7:4 esebimen alǵashqy jeńisine qol jetkizgen «Aqjaıyq» kelesi kezdesýlerin 20-21 jeltoqsanda óz aıdynynda «Znamıa-Ýdmýrtııa» (Votkınsk) komandasymen ótkizedi.
Eske sala keteıik, budan buryn «Aqjaıyq» dopty hokkeı klýbynyń jańa maýsymǵa daıyndalyp jatyrǵanyn jazǵan bolatynbyz.
