Dopty hokkeıden «Aqjaıyq» kósh basyndaǵy komandaǵa jol berdi
ORAL. QazAqparat – Dopty hokkeıden joǵary lıga komandalary arasynda Reseı chempıonatynda Oraldyń «Aqjaıyǵy» kezekti oıyndaryn Verhnıı Ýfaleıde jergilikti «Nıkelşıkpen» ótkizdi, dep habarlaıdy QazAqparat tilshisi.
«Nıkelşık» úshinshi topta kósh bastap kele jatqan klýb bolsa, oraldyqtar tórtinshi orynda edi.
Keshe birinshi oıynda oraldyq maman Nıkolaı Shavaldınniń shákirtteri 0:6 esebimen jeńilip qaldy.
Búgin ekinshi match tartystylaý ótip, «Aqjaıyq» 2:4 esebimen ese jiberdi. Aıdyn ıelerinen Dmıtrıı Vahrýshev tórt goldyń avtory atansa, oraldyqtardan Dáýren Oralov pen Nıkıta ıArov mergendik tanytty.
Endi batysqazaqstandyqtar óz tobyndaǵy sońǵy kezdesýlerin 22-23 aqpanda Pervoýralskide úshinshi oryndaǵy «SKA-Sverdlovsk» komandasymen ótkizedi. Osy eki matchta «Aqjaıyq» utsa, úzdik úshtikke iligýge múmkindikteri bar.
Eske sala keteıik, budan buryn dopty hokkeıden «Aqjaıyqtyń» syrt aıdynda «Maıakpen» teń oınaǵanyn jazǵan bolatynbyz.
