Dopty hokkeıden «Aqjaıyq» kezekti jeńisine qol jetkizdi
ORAL. QazAqparat – Dopty hokkeıden joǵary lıga komandalary arasynda Reseı chempıonatynda óner kórsetetin Oraldyń «Aqjaıyǵy» «Nıkelşıkti» (Verhnıı Ýfaleı) qabyldady, dep habarlaıdy QazAqparat tilshisi.
«Jastar» stadıonyndaǵy match óte tartysty ótti. Birinshi taımda esep teń boldy – 3:3. Ekinshi kezeńde oraldyq Nıkolaı Shavaldınniń shákirtteri jeńisti julyp aldy. Qorytyndy esep – 5:4.
«Aqjaıyqtyń» surmergeni, reseılik Maksım Pahomov het-trıktiń avtory atandy. Taǵy bir reseılik Aleksandr Slýgın jáne Oral dopty hokkeıiniń túlegi Bolat Muhıt bir-birden gol soqty. Qonaqtardan Andreı Zelenın, Dmıtrıı Vahrýshev, Egor Mıheev, Klıment Nygmatýllın kózge tústi.
Erteń qos komanda ekinshi kezdesýin ótkizedi.
Osylaısha, 18 upaı jınaǵan «Aqjaıyq» óz tobynda kósh basyna jaqyndaı tústi.
Eske sala keteıik, budan buryn «Aqjaıyqtyń» qarsylasyn iri eseppen utqanyn jazǵan bolatynbyz.
Foto: «Aqjaıyq» SK
