Dopty hokkeıden «Aqjaıyq» qarsylasyn iri eseppen utty

ORAL. QazAqparat – Dopty hokkeıden Reseı chempıonatynyń joǵary lıgasynda óner kórsetetin Oraldyń «Aqjaıyǵy» óz aıdynynda «Maıak» (Krasnotýrınsk) komandasyn qabyldady, dep habarlaıdy QazAqparat tilshisi.

Munyń aldynda 20-21 jeltoqsan kúnderi «Znamıa-Ýdmýrtııa» (Votkınsk) komandasymen ótýi tıis atalǵan klýbtyń kelmeı qalýyna baılanysty bolmaǵan edi. Sondyqtan bul Nıkolaı Shavaldın shákirtteriniń jańa maýsymdaǵy «Jastar» stadıonyndaǵy betashar oıyny edi.

Oraldyqtar matchty sátti bastap, sol qarqynynan aınyǵan joq. Komandanyń surmergeni Maksım Pahomov bes goldyń avtory atandy.

Aleksandr Slýgın eki dop soqsa, Artem Lapshın bir ret mergendik tanytty. Bulardyń úsheýi de reseılik legıonerler edi.

Osylaısha, «Aqjaıyq» 8:1 esebimen jeńiske jetti.

Qos komanda 25 jeltoqsan kúni qarymta kezdesýin ótkizedi.

Úshinshi topta oraldyqtar úsh oıynnan keıin 6 upaı jınap, ázirge tórtinshi orynda keledi.

Eske sala keteıik, budan buryn dopty hokkeıden «Aqjaıyqtyń» jańa maýsymdaǵy alǵashqy jeńisine qol jetkizgenin jazǵan bolatynbyz.