Dopty hokkeıden «Aqjaıyq» ekinshi oıynda qarsylasyna ese jiberdi
ORAL. QazAqparat – Dopty hokkeıden joǵary lıga komandalary arasynda Reseı chempıonatynda Votkınskide jergilikti «Znamıa-Ýdmýrtııa» Oraldyń «Aqjaıyǵymen» ekinshi kezdesýin ótkizdi, dep habarlaıdy QazAqparat tilshisi.
Tartysty ótken oıynda birinshi taımda qarsylastar teń tústi – 2:2.
Ekinshi kezeńde aıdyn ıeleri jaýapsyz eki dop soqty. Qorytyndy esep – 4:2, «Znamıa-Ýdmýrtııanyń» paıdasynda.
«Aqjaıyq» sapynda reseılik legıoner Aleksandr Slýgın men Oral dopty hokkeıiniń túlegi Ershat Amangeldıev bir-bir goldan óz esepterine jazdy. Votkınsk komandasynan Roman Frolov tórt goldyń avtory atandy.
Keshe birinshi básekede qos komanda 6:6 esebimen teń tarqasqan edi.
Nıkolaı Shavaldınniń shákirtteri kelesi kezdesýlerin 14-15 aqpanda Krasnotýrınskide «Maıakpen» ótkizedi.
Eske sala keteıik, budan buryn dopty hokkeıden «Aqjaıyqtyń» «Znamıa-Ýdmýrtııa» komandasymen teń oınaǵanyn jazǵan edik.
Ashyq kózderden alynǵan foto
