Dopty hokkeıden ÁCh: Jartylaı fınaldaǵy qarsylasymyz anyqtaldy
ASTANA. QazAqparat - Reseıdiń Habarovsk qalasynda dopty hokkeıden ótip jatqan álem chempıonatynyń jartylaı fınalynda Qazaqstan quramasyna qarsy oınaıtyn komanda belgili boldy, dep habarlaıdy QazAqparat.
Jartylaı fınalda otandastarymyz Shvetsııa quramasymen kezdesetin boldy.
Esterińizge sala keteıik, Qazaqstan quramasy shırek fınalda Norvegııany jeńip, dodanyń jartylaı fınalyna ótkenin osyǵan deıin jazǵan bolatynbyz.
Jartylaı fınaldaǵy Qazaqstan quramasynyń qarsylasy Shvetsııa men Vengrııa quramalary arasyndaǵy kezdesýde anyqtaldy. Bul oıynda shved oıynshylary qarsylastaryn 16:3 esebimen jeńip, aqtyq synǵa shyqty.
Qazaqstan quramasy álem chempıonatynyń toptyq kezeńinde úsh kezdesý ótkizip, barlyǵynda jeńiske jetti. Aldymen bizdiń qurama Vengrııany 29:0 esebimen jeńse, keıin AQSh quramasyn 14:1, Germanııa quramasyn 17:2 esebimen utty.
