Dopty hokkeıden ÁCh: Reseı quramasy chempıon atandy
ORAL. QazAqparat - Reseıdiń Habarovsk qalasynda dopty hokkeıden álem chempıonaty márege jetti, dep habarlaıdy «QazAqparat» tilshisi.
Fınalda osy sport túrinen eń myqty sanalatyn reseılikter men shvetsııalyqtar kúsh synasty. Asa tartysty ótken matchty aıdyn ıeleri sátti bastap, Almaz Mırgazovtyń qos golynan keıin 2:0 esebimen alǵa shyqty. Degenmen shvetsııalyqtar da qarap qalmaı, Per Helmıýrs esepti qysqartty. Budan keıin Alan Djýsoev 3:1-ge jetkizdi.
Ekinshi taımda ıÝhan Lefstedt mergendigimen kózge tússe, oǵan Maksım Ishkeldın jaýap qaıyrdy. Budan soń Danıel Berlın men Adam Gılıam gol soǵyp, tarazy basyn teńestirdi. 78-mınýtta A.Mırgazov oıyn núktesin qoıdy.
Osylaısha, reseılikter 5:4 esebimen jeńiske jetip, chempıon atandy. Sóıtip ótken jylǵy eseni qaıyrdy. Shvetsııada ótken byltyrǵy chempıonatta aıdyn ıeleri top jarǵan bolatyn.
Eske sala keteıik, keshe dál osyndaı eseppen jartylaı fınalda qazaqstandyqtar shvedterge jol bergen bolatyn. Sodan keıin aryny basylyp qaldy ma, búgin Qazaqstan quramasy qola júlde úshin básekede fınderge 4:8 esebimen utyldy.
Foto: rg.ru
