Dopty hokkeıden ÁCh: kezinde Oralda oınaǵan Sergeı Bıtkov 60 jasynda gol soqty
ORAL. QazAqparat - Shvetsııanyń Sandvıken qalasynda dopty hokkeıden ótip jatqan álem chempıonatynda qyzyqty derek tirkeldi, dep habarlaıdy «QazAqparat» HAA tilshisi.
Senbi kúni 7-8-oryndar úshin ótken básekede Germanııa quramasy belorýstardy 12:7 esebimen utty. Mine, osy matchta qazirgi kezde nemis eliniń namysyn qorǵaıtyn Sergeı Bıtkov 36-mınýtta qarsylastar qaqpasyn dál kózdedi. Dopty hokkeıden Qazaqstan quramasynyń aǵa bapkeri, Batys Qazaqstanda týyp-ósken Marat Mańǵýbaevtyń aıtýynsha, bul bıyl 37-inshi ret ótkizilip otyrǵan álem birinshiligi tarıhynda osyǵan deıin kezdespegen jaıt edi. ıAǵnı 60 jasynda eshkim gol soǵyp kórmegen bolatyn. 1956 jyly 29 qarashada dúnıege kelgen S.Bıtkov - dopty hokkeıden KSRO sport sheberi, halyqaralyq dárejedegi sport sheberi, túrli klýbtarda oınap, sonyń ishinde «Dınamo» (Almaty) quramynda 1977 jyly KSRO chempıony atandy. Al Oraldyń «Geologymen» (qazirgi «Aqjaıyq») birge 1981-1991 jyldary aıdynǵa shyǵyp, óńirdegi dopty hokkeı tarıhynda óz izin qaldyrdy. 1997 jyly Qazaqstan quramasy sapynda álem chempıonatyna qatysqan. Germanııaǵa birjola kóshkennen keıin sol eldiń namysyn 2014 jyldyń qańtarynan beri qorǵap keledi. Germanııa quramasynda S.Bıtkovtan basqa burynǵy oraldyqtar Dmıtrıı Kýzmın, Pavel jáne Paýl Savchenkolar da oınaıdy.
Aıta keteıik, shırek fınalda norvegterden utylyp, júlde úshin talasa almaǵan Qazaqstan quramasy 5-6-ynshy oryndar úshin matchta AQSh hokkeıshilerin 10:4 esebimen tize búktirdi. Bul kezdesýde Oral dopty hokkeıiniń túlegi, Novosibirdiń «Sıbselmashynyń» shabýylshysy, qurama kapıtany Raýan Isalıev oınamaǵannan keıin komandany aıdynǵa taǵy bir batysqazaqstandyq, qazir Shvetsııanyń «Kalıks» klýbynda júrgen Leonıd Bedarev bastap shyǵyp, qos goldyń avtory atandy. Al qaqpany oraldyq Іlııas Haırekeshev qorǵady.
