Dopty hokkeıden ÁCh: Qazaqstan quramasy jartylaı fınalǵa joldama aldy
ORAL. QazAqparat - Reseıdiń Habarovsk qalasynda dopty hokkeıden ótip jatqan álem chempıonatynyń shırek fınalynda Qazaqstan quramasy Norvegııany 6:1 esebimen oısyrata utty, dep habarlaıdy «QazAqparat» tilshisi.
«Erofeı» stadıonynda qazaqstandyqtar matchty sátti bastap, 7-mınýtta Artem Vshıvkov esep ashty. 15-mınýtta buryshtamadan berilgen doptan keıin Maksım Rıazanov esepti 2:0-ge jetkizdi. Degenmen norvegııalyqtar da qarap qalmaı, 25-mınýtta Nıkolaı Iensen jaýap gol soqty. 44-mınýtta Qazaqstan quramasynyń kapıtany, Oral dopty hokkeıiniń túlegi Raýan Isalıev qarsylastar qaqpasyna úshinshi dopty engizdi.
Ekinshi taımda 78 jáne 79-mınýtta R.Isalıev qatarynan eki márte mergendik tanytyp, esepti 5:1-ge jetkizdi. 89-mınýtta A.Vshıvkov 12 metrlik aıyp dobyn dál oryndady.
Jartylaı fınalda Ilıas Handaev jattyqtyratyn qazaqstandyqtar Shvetsııa quramasymen kezdesedi.
Aıta keteıik, ótken jyly Shvetsııada ótken chempıonattyń shırek fınalynda Qazaqstan quramasy norvegterdi 4:0 esebimen jeńip turyp, utylyp qalǵan bolatyn. Sóıtip jartylaı fınalǵa shyǵa almaǵany óz aldyna, úzdik tórttiktiń qatarynan yǵysqan edi. Bıyl sol olqylyqtyń esesin qaıyrdy.
