Dopty hokkeıden ÁCh: Qazaqstan quramasy fınderden utylyp qaldy
ORAL. QazAqparat - Shvetsııanyń Venersborg qalasynda dopty hokkeıden ótip jatqan álem chempıonatynda Qazaqstan quramasy birinshi kezdesýin fındermen ótkizdi, dep habarlaıdy QazAqparat tilshisi.
Match Fınlıandııa quramasynyń basymdylyǵymen ótti.
Birinshi taımda fınder eki dop soqsa, oıynnyń ekinshi kezeńinde taǵy jeti gol engizdi. Qorytyndy esep - 9:0. Fın quramasynan tórt goldyń avtory atanǵan Emıl Fedorov erekshe kózge tústi.
Osy chempıonattyń alǵashqy kezdesýinde Shvetsııa quramasy reseılikterdi 6:4 esebimen jeńdi.
Reseılik maman Sergeı Infalın jattyqtyratyn, negizinen Oraldyń «Aqjaıyq» hokkeıshilerinen quralǵan Qazaqstan quramasy 28 qańtarda Reseımen, 30-ynda Shvetsııamen aıdynǵa shyǵady.
Dúnıejúzilik doda 2aqpan kúni márege jetedi.
Eske sala keteıik,budan buryn Qazaqstan quramasynyń álem birinshiligindegi alǵashqy kezdesýin fındermen ótkizetinin jazǵan bolatynbyz.
