Dopty hokkeıden 32-Álem chempıonatynda Qazaqstan quramasy óz tobynda 3-orynda kele jatyr
ALMATY. 1 aqpan. QazAqparat /Erlik Erjanuly/ - Keshe dopty hokkeıden Almatyda ótip jatqan 32-shi Álem chempıonatynyń toptyq kezeńinde Qazaqstan quramasy alǵashqy jeńilistiń dámin tatty.
Olar bas júldeden basty úmitker sanalatyn Shvetsııa sportshylaryna 1:9 esebimen ese jiberdi. Sonyń nátıjesinde «A» tobynda 4 upaımen 2-den 3-orynǵa syrǵydy. 1-2 orynda 6 upaımen AQSh pen Shvetsııa kele jatyr. Al Qazaqstanda - 4 upaı bolsa, AQSh pen Norvegııa qorjyny ázirge bos.
Búgin endi «A» tobyndaǵy komandalardan Fınlıandııa men Norvegııa, Reseı men Qazaqstan, AQSh pen Shvetsııa ózara kúsh synasady. Reseılikter ótken Álem chempıonatynyń jeńimpazy ekenin eskersek, bul oıyn da otandastarymyz úshin óte qıyn match bolmaq. Erteń irikteý synynyń sońǵy kezdesýin endi amerıkandyqtar norvegııalyqtarmen, qazaqtar fındermen, shvedter orystarmen ótkizedi.
