Dopty hokkeı: Vengrııamen oınaıtyn Qazaqstannyń quramy anyqtaldy
ASTANA. QazAqparat - Búgin Reseıdiń Habarovsk qalasynda dopty hokkeıden kezekti álem chempıonatynda Vengrııamen oınaıtyn Qazaqstannyń quramy anyqtaldy, dep habarlaıdy QazAqparat.
Álemdik dodaǵa baratyn quramymyz mynadaı:
Qaqpashylar: Narıman Takırov, Andreı Reın
Qorǵaýshylar: Denıs Maksımenko, Ivan Kozlov, Maksım Rıazanov, Anatolıı Golýbkov.
Jartylaı qorǵaýshylar: Vasılıı Jaýkenov, Eskendir Nuǵmanov, Rýslan Galıaýtdınov, Anton Qadirjanov, Dmıtrıı Zavıdovskıı, Artem Vshıvkov, Evgenıı Leonov.
Shabýylshylar: Raýan Issalıev, Vıktor Chernyshov, Maksım Ótebalıev.
Oıyn búgin Astana ýaqytymen 9:00-de bastalady. Al erteń, ıaǵnı 30 qańtarda otandastarymyz AQSh-pen, 31 qańtarda Germanııa quramasymen oınaıdy.
Eger óz tobynda qazaqstandyqtar úzdik shyqsa, onda kúshtilerdiń A tobynda (Shvetsııa, Reseı, Fınlıandııa, Norvegııa) sońǵy, tórtinshi orynǵa ıe bolǵan komandamen 2 aqpan kúni shırek fınaldyq básekesin ótkizedi. Onda jeńse, júlde úshin talasady.
Esterińizge sala keteıik, buǵan deıin jerlesterimiz álem birinshiliginiń alty márte qola júldegeri atanǵan. Qazaqstan quramasy úshin ótken jylǵy doda sátsiz bolǵan edi. Shvetsııanyń Sandvıken qalasynda ótken chempıonatta Qazaqstan quramasy shırek fınalda ózderiniń basty qarsylasy - Norvegııa eliniń ókilderin 4:0 esebimen jeńip turyp, utylyp qalǵan-dy.
Sóıtip únemi júlde úshin talasqa túsetin qazaqstandyqtar mundaı múmkindikten aıyrylyp qalǵan bolatyn. Bıyl I.Handaevtyń shákirtteri sol olqylyqtyń ornyn toltyrý úshin kúsh salady.
