Dopty hokkeı: Oraldyń «Aqjaıyǵy» «Znamıa-Ýdmýrtııa» komandasyn taǵy da iri eseppen utty
ORAL. QazAqparat - Búgin dopty hokkeıden «Joǵary lıga» búkilreseılik jarysynda óner kórsetetin Oraldyń «Aqjaıyǵy» «Znamıa-Ýdmýrtııa» (Votkınsk) komandasymen ekinshi oıynda da qarsylasyn iri eseppen (8:2) tize búktirdi.
«Aqjaıyq» quramynda komandanyń úzdik mergeni Sergeı Bashaev eki márte qonaqtar qaqpasyn dál kózdese, Maksım Ótebalıev, Elaman Álipqalıev, Maksım Pıanov, Aleksandr Shavaldın, Pavel Chebakov, Nıkolaı Boldyrev bir-bir goldyń avtory atandy.
Osy oıynnan keıin barlyǵy 29 upaı jınaǵan «Aqjaıyq» ekinshi topta besinshi orynǵa kóterildi.
Oraldyqtar kelesi kezdesýlerin 20-21 aqpanda óz aıdynynda týrnır kestesinde 22 oıynnan keıin 35 upaımen tórtinshi orynda kele jatqan «Maıak» (Krasnotýrınsk) komandasymen ótkizedi. Bul klýbty Oral dopty hokkeıiniń túlegi Oleg Chernov jattyqtyratynyn aıta keteıik.
