Dopty hokkeı: Oraldyń «Aqjaıyǵy» taǵy bir kezdesýinde ese jiberdi
ORAL. QazAqparat - Dopty hokkeıden joǵary lıga komandalary arasynda búkilreseılik jarystyń kezekti matchyn Oraldyń «Aqjaıyǵy» Sverdlov oblysynda «SKSO SKA-Sverdlovsk» komandasymen ótkizdi, dep habarlaıdy QazAqparat tilshisi.
Pervoýralskide ótken kezdesý 3:0 esebimen aıaqtaldy.
Birinshi taımda esep ashylmasa, oıynnyń ekinshi kezeńinde aıdyn ıeleri úsh gol soqty. Egor Ahmanaev qos doptyń avtory atansa, taǵy bir goldy Denıs Bagaev engizdi.
Senbi kúni komandalar ekinshi kezdesýin ótkizedi.
Osylaısha Nıkolaı Shavaldın jattyqtyratyn oraldyqtar syrt aıdynda ótkizgen bes matchtyń bárinde de jeńilis tapty.
Eske sala keteıik, budan buryn «Aqjaıyqtyń» Verhnıı Ýfaleıde «Nıkelşıkten» eki márte utylyp qalǵanyn jazǵan bolatynbyz.
