Dopty hokkeı: Oraldyń «Aqjaıyǵy» sońǵy eki oıynynda da jeńilip qaldy
ORAL. QazAqparat - Dopty hokkeıden Reseı chempıonaty joǵary lıgasynyń ekinshi tobynda oınaıtyn Oraldyń «Aqjaıyǵy» kezekti matchtaryn Votkınskide jergilikti «Znamıa-Ýdmýrtııa» komandasymen ótkizdi, dep habarlaıdy QazAqparat tilshisi.
Reseı dopty hokkeı federatsııasynyń saıtynan alynǵan málimetke qaraǵanda, keshe aıdyn ıeleri 4:2 esebimen jeńiske jetti. Bul oıynda «Aqjaıyqtan» komanda kapıtany Maksım Ótebalıev pen reseılik legıoner Maksım Nıkıshov gol soǵyp, kózge túse aldy. Búgin «Znamıa-Ýdmýrtııa» qarsylasyn 4:0 esebimen shań qaptyrdy.
Osy týrdan keıin reseılik maman Vladımır Kojevnıkov jattyqtyratyn oraldyqtar 7 upaımen altynshy orynǵa syrǵydy. Olar kelesi kezdesýlerin 17-18 jeltoqsan kúnderi Orynborda týrnır kestesinde 9 upaımen tórtinshi orynda kele jatqan «Lokomotıvpen» ótkizedi.
